ਦਿਹਾੜੀ-ਮਜ਼ਦੂਰਾਂ ’ਤੇ ਪਈ ਕੋਰੋਨਾ ਦੀ ਮਾਰ ਨੂੰ ਘਟਾਉਣ ’ਚ ਜੁਟਿਆ ਹਰਿਆਣਾ

ਹਰਿਆਣਾ ਦੀ ਮੁੱਖ ਸਕੱਤਰ ਸ਼੍ਰੀਮਤੀ ਕੇਸ਼ਨੀ ਆਨੰਦ ਅਰੋੜਾ ਨੇ ਕਿਹਾ ਹੈ ਕਿ ਮੁੱਖ ਮੰਤਰੀ ਸ਼੍ਰੀ ਮਨੋਹਰ ਲਾਲ ਦੇ ਨਿਰਦੇਸ਼ ਹਨ ਕਿ ਅਧਿਕਾਰੀ ਇਹ ਯਕੀਨੀ ਕਰਣ ਕਿ ਪ੍ਰਦੇਸ਼ ਵਿੱਚ ਜਿੱਥੇ-ਜਿੱਥੇ ਲੇਬਰ ਚੌਕ ‘ਤੇ ਮਜਦੂਰ ਕੰਮ ਦੀ ਤਲਾਸ਼ ਵਿੱਚ ਆਉਂਦੇ ਹਨ ਉਨ੍ਹਾਂ ਨੂੰ ਸੰਪਰਕ ਕਰਣ ਲਈ ਸਬੰਧਤ ਸਥਾਨਕ ਕਮੇਟੀ, ਕਿਰਤ ਵਿਭਾਗ ਅਤੇ ਜਿਲਾ ਡਿਪਟੀ ਕਮਿਸ਼ਨਰਾਂ ਤੋਂ ਪ੍ਰਤਿਨਿਧੀ ਮੌਜੂਦ ਰਹਿਣ ਅਤੇ ਉਨ੍ਹਾਂ ਤੋਂ ਜਾਣਕਾਰੀ ਲਈ ਜਾਵੇ ਕਿ ਕੀ ਉਹ ਭਵਨ ਅਤੇ ਨਿਰਮਾਣ ਬੋਰਡ ਤੋਂ ਰਜਿਸਟਰਡ ਹਨ ਜਾਂ ਨਹੀਂ। 

 

ਉਨ੍ਹਾਂ ਨਾਲ ਹੀ ਕਿਹਾ ਕਿ ਜੇਕਰ ਨਹੀਂ ਹਨ ਤਾਂ ਉਨ੍ਹਾਂ ਦਾ ਅਸੰਗਠਿਤ ਖੇਤਰ ਦੇ ਮਜਦੂਰਾਂ ਵਿੱਚ ਰਜਿਸਟ੍ਰੇਸ਼ਣ ਕੀਤਾ ਜਾਵੇ ਅਤੇ ਸਥਾਨਕ ਕਮੇਟੀ ਰਾਹੀਂ ਉਨ੍ਹਾਂ ਦੇ ਰਾਸ਼ਨ ਦੀ ਵਿਵਸਥਾ ਕੀਤੀ ਜਾਵੇ। ਕੰਮ ਦੀ ਤਲਾਸ਼ ਕਰਣ ਵਾਲੇ ਸਾਰੇ ਮਜਦੂਰਾਂ ਲਈ ਕੰਮ ਉਪਲੱਬਧ ਕਰਵਾਉਨਾ ਅਤੇ ਹਰਿਆਣਾ ਵਿੱਚ ਕਿਸੇ ਨੂੰ ਭੁੱਖਾ ਨਹੀਂ ਰਹਿਣ ਦੇਣਾ ਸਰਕਾਰ ਦੀ ਸਰਵੋਚ ਪ੍ਰਾਥਥਮਿਕਤਾ ਹੈ।

ਇਹ ਜਾਣਕਾਰੀ ਮੁੱਖ ਸਕੱਤਰ ਦੀ ਪ੍ਰਧਾਨਗੀ ਹੇਠ ਅੱਜ ਇੱਥੇ ਹੋਈ ਅਨਲਾਕ-1 ਦੇ ਪ੍ਰਬੰਧਾਂ ‘ਤੇ ਸੰਕਟ ਤਾਲਮੇਲ ਕਮੇਟੀ ਦੀ ਵੀਡੀਓ ਕਾਂਫਰੇਸਿੰਗ ਰਾਹੀਂ ਡਿਪਟੀ ਕਮਿਸ਼ਨਰਾਂ ਦੀ ਬੁਲਾਈ ਗਈ ਸਮੀਖਿਆ ਮੀਟਿੰਗ ਵਿੱਚ ਦਿੱਤੀ ਗਈ।

 

ਮੀਟਿੰਗ ਵਿੱਚ ਸਾਰੇ ਡਿਪਟੀ ਕਮਿਸ਼ਨਰਾਂ ਨੂੰ ਨਿਰਦੇਸ਼ ਦਿੱਤੇ ਕਿ ਉਹ ਲੇਬਰ ਚੌਕ ‘ਤੇ ਆਉਣ ਵਾਲੇ ਮਜਦੂਰਾਂ ਤੋਂ ਇਸ ਗੱਲ ਦੀ ਵੀ ਜਾਣਕਾਰੀ ਪ੍ਰਾਪਤ ਕਰਣ ਕਿ ਕੀ ਪਿਛਲੇ ਦੋ ਮਹੀਨਿਆਂ ਦੌਰਾਨ ਉਨ੍ਹਾਂ ਨੂੰ ਪ੍ਰਦੇਸ਼ ਸਰਕਾਰ ਵਲੋਂ ਭੇਜੀ ਗਈ ਦੋ ਤੋਂ ਪੰਜ ਹਜਾਰ ਦੀ ਵਿੱਤੀ ਸਹਾਇਤਾ ਪ੍ਰਾਪਤ ਹੋਈ ਹੈ ਜਾਂ ਨਹੀ। ਇਸ ਦੇ ਲਈ ਸਾਰੇ ਡਿਪਟੀ ਕਮਿਸ਼ਨਰ ਆਪਣੇ-ਆਪਣੇ ਜਿਲਿਆਂ ਦਾ ਡਾਟਾ ਤਿਆਰ ਕਰਣ। ਨਾਲ ਹੀ, ਉਹ ਕਿਰਤ ਵਿਭਾਗ ਦੇ ਪੋਰਟਲ ਉੱਤੇ ਮਜਦੂਰਾਂ ਦਾ ਨਵੀਨਤਮ ਮੋਬਾਇਲ ਨੰਬਰ ਵੀ ਅਪਲੋਡ ਕਰਣ ਅਤੇ ਸਥਾਨਕ ਕਮੇਟੀਆਂ ਰਾਹੀਂ ਇਹ ਯਕੀਨੀ ਕਰਣ ਕਿ ਇਹ ਮਜਦੂਰ ਉਨ੍ਹਾਂ ਦੇ ਖੇਤਰ ਵਿੱਚ ਰਹਿੰਦੇ ਹਨ ਜਾਂ ਨਹੀਂ, ਇਸ ਗੱਲ ਦੀ ਵੀ ਪੁਸ਼ਟੀ ਕਰਵਾਉਣ।

 

ਮੀਟਿੰਗ ਵਿੱਚ ਡਿਪਟੀ ਕਮਿਸ਼ਨਰਾਂ ਨੂੰ ਇਸ ਗੱਲ ਦੇ ਵੀ ਨਿੱਰਦੇਸ਼ ਦਿੱਤੇ ਗਏ ਕਿ ਉਹ ਆਪਣੇ-ਆਪਣੇ ਜਿਲਿਆਂ ਦਾ ਅੱਜ ਰਾਤ ਤੱਕ ਇੱਕ ਮੈਪ ਤਿਆਰ ਕਰਣ ਜਿਸ ਵਿੱਚ ਫੋਨ ਨੰਬਰ ਸਮੇਤ ਕੋਵਿਡ-19 ਟੇਸਟ ਲੈਬ ਦੀ ਸਾਰੀ ਜਾਣਕਾਰੀ ਹੋਵੇ। ਜੇਕਰ ਕੋਈ ਵਿਅਕਤੀ ਕਿਸੇ ਵੀ ਸਮੇਂ ਕੋਵਿਡ-19 ਦਾ ਟੇਸਟ ਕਰਵਾਉਣਾ ਚਾਹੁੰਦਾ ਹੈ ਤਾਂ ਉਸ ਨੂੰ ਜਾਣਕਾਰੀ ਹੋਣੀ ਚਾਹੀਦੀ ਹੈ ਕਿ ਉਸ ਨੂੰ ਆਪਣੇ ਜਿਲ੍ਹੇ ਵਿੱਚ ਪ੍ਰਾਈਵੇਟ ਜਾਂ ਸਰਕਾਰੀ ਕਿਸ ਨਜਦੀਕੀ ਲੈਬ ਵਿੱਚ ਜਾਣਾ ਹੈ। ਸਾਰੀ ਤਰ੍ਹਾ ਦੀਆਂ ਲੈਬਸ, ਆਈਸੋਲੇਟਿਡ ਵਾਰਡਸ, ਹੋਮ ਕਵਾਰੰਟਾਇਨ ਅਤੇ ਕੋਵਿਡ-19 ਹਸਪਤਾਲਾਂ ਵਿੱਚ ਬੈਡ ਦੀ ਸਹੂਲਤ ਸਾਰਿਆਂ ਦੇ ਮੋਬਾਇਲ ਨੰਬਰਾਂ ਦੀ ਜਾਣਕਾਰੀ ਸਮੇਤ ਪੋਸਟਰ ਦੇ ਰੂਪ ਵਿੱਚ ਜਨਤਕ ਸਥਾਨਾਂ ‘ਤੇ ਡਿਸਪਲੇ ਕੀਤੀ ਜਾਣੀ ਚਾਹੀਦੀ ਹੈ।

 

ਕੇਂਦਰੀ ਗ੍ਰਹਿ ਮੰਤਰਾਲੇ ਵੱਲੋਂ ਜਾਰੀ ਅਨਲਾਕ-1 ਦੇ ਦਿਸ਼ਾ-ਨਿਰਦੇਸ਼ਾ ਅਨੁਸਾਰ ਸਾਰੇ ਜਿਲ੍ਹਾ ਮੇਜੀਸਟ੍ਰੇਟ ਆਪਣੇ-ਆਪਣੇ ਜਿਲਿਆਂ ਵਿੱਚ ਧਾਰਾ-144 ਲਾਗੂ ਕਰਣ ਦੇ ਆਦੇਸ਼ ਜਾਰੀ ਕਰਣਗੇ। ਇਸ ਪੜਾਅ ਵਿੱਚ ਕਰਫਿਊ ਦਾ ਸਮਾਂ ਰਾਤ 9 ਵਜੇ ਤੋਂ ਸਵੇਰੇ ਪੰਜ ਵਜੇ ਤੱਕ ਰਹੇਗਾ। 

 

ਇਸ ਤਰ੍ਹਾ, ਦੁਕਾਨਾਂ ਨੂੰ ਖੋਲ੍ਹਣ ਦਾ ਸਮਾਂ ਸਵੇਰੇ 9 ਵਜੇ ਤੋਂ ਸ਼ਾਮ ਸੱਤ ਵਜੇ ਤੱਕ ਰਹੇਗਾ। ਦੁਕਾਨਦਾਰਾਂ ਨੂੰ ਮਾਸਕ, ਗਲੱਵਸ ਅਤੇ ਸੋਸ਼ਲ ਡਿਸਟੇਸਿੰਗ ਦੇ ਨਿਯਮਾਂ ਦਾ ਪਾਲਣ ਕਰਣਾ ਹੋਵੇਗਾ। ਸਕੂਲ ਅਤੇ ਕਾਲਜ ਖੋਲ੍ਹਣ ਦਾ ਫ਼ੈਸਲਾ ਸਟੇਕਹੋਲਡਰਸ ਦੇ ਨਾਲ ਵਿਚਾਰ-ਵਟਾਂਦਰਾਂ ਦੇ ਬਾਅਦ ਲਿਆ ਜਾਵੇਗਾ।

ਸਿਹਤ ਵਿਭਾਗ ਤੋਂ ਇਲਾਵਾ ਮੁੱਖ ਸਕੱਤਰ ਸ਼੍ਰੀ ਰਾਜੀਵ ਅਰੋੜਾ ਨੇ ਉਪਚਾਰ ਸਬੰਧੀ ਹਿਦਾਇਤਾਂ ਦੇ ਬਾਰੇ ਵੀ ਜਾਣਕਾਰੀ ਦਿੱਤੀ। 

 

ਉਨ੍ਹਾਂ ਨੇ ਦੱਸਿਆ ਕਿ ਏ ਐਂਡ ਏਮ ਲੱਛਣ ਵਾਲੇ ਮਰੀਜਾਂ ਨੂੰ 10 ਦਿਨ ਹਸਪਤਾਲ ਵਿੱਚ ਰੱਖਣ ਦੇ ਬਾਅਦ ਡਿਸਚਾਰਜ ਕੀਤਾ ਜਾਂਦਾ ਸੀ। ਮਰੀਜ ਦਾ ਸੈੰਪਲ ਤਿੰਨ ਦਿਨ ਪਹਿਲਾਂ ਟੇਸਟ ਲੈਬ ਵਿੱਚ ਭੇਜਿਆ ਜਾਵੇ ਤਾਂਕਿ 10ਵੇਂ ਦਿਨ ਡਿਸਚਾਰਜ ਤੋਂ ਪਹਿਲਾਂ ਰਿਪੋਰਟ ਪ੍ਰਾਪਤ ਹੋ ਜਾਵੇ ਅਤੇ ਟਰੂ ਨੇਟ ਮਸ਼ੀਨ ਤੋਂ ਵੀ ਟੇਸਟ ਕੀਤਾ ਜਾਵੇ ਅਤੇ ਨੇਗੇਟਿਵ ਆਉਣ ਉੱਤੇ ਡਿਸਚਾਰਜ ਕੀਤਾ ਜਾਵੇ।

 

ਉਨ੍ਹਾਂ ਨੇ ਕਿਹਾ ਕਿ ਕੰਟੇਨਮੇਂਟ ਜੋਨ ਵਧੇ ਹਨ ਅਤੇ ਇਕੱਲੇ ਗੁਰੂਗ੍ਰ੍ਰਾਮ ਵਿੱਚ 100 ਕੰਟੇਨਮੇਂਟ ਜੋਨ ਹਨ ਅਤੇ ਹਰ ਇੱਕ ਕੰਟੇਨਮੇਂਟ ਜੋਨ ਵਿੱਚ ਨੋਡਲ ਅਧਿਕਾਰੀ ਲਗਾਉਣਾ ਸੰਭਵ ਨਹੀਂ ਹੈ ਅਤੇ ਵੱਖ-ਵੱਖ ਕੰਟੇਨਮੇਂਟ ਜੋਨ ਨੂੰ ਸੈਕਟਰ ਦੇ ਰੂਪ ਵਿੱਚ ਮਿਲਾ ਕੇ ਕਰਕੇ ਹਰ ਇੱਕ ਸੈਕਟਰ ਵਿੱਚ ਨੋਡਲ ਅਧਿਕਾਰੀ ਨਾਮਜਦ ਕੀਤਾ ਜਾਵੇਗਾ। ਉਨ੍ਹਾਂ ਨੇ ਇਸ ਗੱਲ ਦੀ ਜਾਣਕਾਰੀ ਦਿੱਤੀ ਕਿ ਹੁਣ ਪ੍ਰਬੰਧਨ ਕਾਰਜ ਉੱਤੇ ਜਿਆਦਾ ਧਿਆਨ ਦੇਣਾ ਹੋਵੇਗਾ।

 

ਉਨ੍ਹਾਂ ਨੇ ਦੱਸਿਆ ਕਿ ਮੁੱਖ ਮੰਤਰੀ ਦੇ ਨਿਰਦੇਸ਼ਾਂ ਅਨੁਸਾਰ ਗੁਰੁਗਰਾਮ, ਫਰੀਦਾਬਾਦ ਅਤੇ ਹੋਰ ਜਿਲਿਆਂ ਵਿੱਚ ਘੱਟ ਤੋਂ ਘੱਟ 100 ਕੋਵਿਡ ਬੈਡ ਦੇ ਲਈ ਵੱਖ ਤੋਂ ਹਰ ਸਮੇਂ ਉਪਲਬਧਤਾ ਰਹਨੀ ਚਾਹੀਦੀ ਹੈ। ਇਸ ਦੇ ਲਈ ਕਮੇਟੀ ਦਾ ਗਠਨ ਕੀਤਾ ਗਿਆ ਹੈ ਜਿਸ ਵਿੱਚ ਮੰਡਲ ਕਮਿਸ਼ਨਰਾਂ, ਡਿਪਟੀ ਕਮਿਸ਼ਨਰ, ਨਗਰਨਿਗਮ ਕਮਿਸ਼ਨਰ ਅਤੇ ਸਿਵਲ ਸਰਜਨ ਨੂੰ ਸ਼ਾਮਿਲ ਕੀਤਾ ਗਿਆ ਹੈ ਜੋ ਪ੍ਰਾਈਵੇਟ ਹਸਪਤਾਲਾਂ ਦੇ ਨਾਲ ਵੀ ਤਾਲਮੇਲ ਕਰ ਇਸਦੀ ਵਿਵਸਥਾ ਕਰਣਗੇ। 

 

ਉਨ੍ਹਾਂ ਨੇ ਦੱਸਿਆ ਕਿ ਕੁਸ਼ਲ ਕਾਂਟੇਕਟ ਟ੍ਰੇਸਿੰਗ ਲਈ ਟੇਕਰਾਲਾਜੀ ਦਾ ਇਸਤੇਮਾਲ ਕੀਤਾ ਜਾਵੇ ਜਿਵੇਂ ਕਿ ਆਰੋਗਅ ਸੇਤੁ ਐਪ। ਇਸ ਦੇ ਲਈ ਸਾਰਿਆਂ ਨੂੰ ਆਪਣੇ ਸਮਾਰਟ ਫੋਨ ਵਿੱਚ ਆਰੋਗਅ ਸੇਤੂ ਮੋਬਾਇਲ ਐਪ ਇੰਸਟਾਲ ਕਰਣੀ ਹੋਵੇਗੀ।
 

Source HINDUSTAN TIMES

%d bloggers like this: